Ilon Mask Tramptan keshirim surady

ASTANA. KAZINFORM – Ilon Mask AQSh prezıdenti týraly keıingi jazbalary úshin kópshilik aldynda keshirim surady, dep habarlaıdy Kazinform tilshisi.

Tesla jáne SpaceX negizin qalaýshy málimdemelerinde tym artyq ketkenin moıyndady. 

– Ótken aptada prezıdent týraly jazǵan keıbir jazbalaryma ókinemin. Shekten shyǵyp ketippin, - dep jazdy kásipker X jelisinde Donald Tramptyń akkaýntyn belgilep.

Buǵan deıin Ilon Mask X paraqshasynda respýblıkashyldardyń aýqymdy zań jobasyn qatal synǵa alǵan bolatyn. Keıin Mask pen Tramptyń janjalynan soń olardyń kompanııalary aktsııalarynyń quny quldyrady. Osy jaǵdaılarǵa qatysty Trampqa Ilona Maskty AQSh-tan shyǵaryp jiberýge keńes berildi.