Igor Shývalov: EAEO-da Qazaqstan kóshbasshy

ASTANA. QazAqparat - Eýrazııalyq ekonomıkalyq odaqta Reseı emes, Qazaqstan kóshbasshy. Bul týraly búgin «Eýrazııalyq aptalyq» forýmynda Reseı Úkimeti tóraǵasynyń birinshi orynbasary Igor Shývalov málim etti, dep habarlaıdy QazAqparat.

«Reseıdiń (EAEO-da) kóshbasshylyǵyn baıqatý aıtarlyqtaı qaýipti. Degemen de bizde mamandar da, bul baǵyttaǵy tıisti túsinik te bar. Alaıda biz ózimizdiń belgili bir rólimizdi kórsete bastaǵan kezde, bul Kremldiń saıası jobasy degen dúrlikpeler paıda bolady.  Jalpy biz osy jobada Qazaqstannyń kóshbasshylyǵyn moıyndaımyz. Sebebi Qazaqstan Prezıdenti bul ıdeıanyń negizin qalaýshy bolyp tabylady. 90-shy jyldary ol eýrazııalyq keńistik ıdeıasyn kóterdi», - dep toqtaldy Shývalov.

«Tsıfrly ekonomıkany qurý jáne basqada mańyzdy máseleler boıynsha, onyń ishinde EAEO-nyń damýy turǵysynda biz Qazaqstannyń kóshbasshylyǵyn kórgimiz keledi. Odaq boıynsha ózge de áriptesterimiz bizdi qoldaıdy dep úmittenemin, sebebi Qazaqstanda bul kóshbasshylyqqa barlyq qajetti jaǵdaılar men Prezıdenttiń senimdiligi bar. Osy jaǵdaıda eýrazııalyq keńistiktiń bul qundylyǵynyń kóshbasshysy retinde barlyǵymyz Nursultan Ábishuly Nazarbaevty úlgi tutamyz. Sondyqtan alǵa qaraı ilgerileý bastamasy Qazaqstanda qalyptasady dep senemiz», - dedi ol.

Budan buryn habarlanǵandaı, Astanada «Eýrazııalyq aptalyq» halyqaralyq forým jumysyn bastady. Forýmǵa qatysý úshinAstanaǵa  álemniń 42 elinen memlekettik bılik organdarynyń, iskerliktoptar men bıznes qoǵamdastyqtyń ókilderi keldi.