Igor Rogov BUU ókilimen bosqyndar problemasyn talqylady
Bul týraly QR Prezıdenti janyndaǵy Adam quqyqtary jónindegi komıssııanyń baspasóz qyzmeti málim etti.
Áńgimelesý barysynda taraptar azamattyǵy joq tulǵalardyń máselesin túbegeıli sheshý, bosqyndar men ishki qonys aýdarýshylardy, Qazaqstannyń azamattyǵy joq adamdardy qorǵaý jáne gýmanıtarlyq kómek kórsetý joldaryn talqylady.
Hans Frıdrıh Shodder ózi ókildigin basqaratyn bosqyndar isteri jónindegi joǵarǵy komıssar basqarmasy qyzmetiniń baǵyttary týraly málimet berip, Qazaqstannyń BUU Adam quqyqtary jónindegi keńesine (AQK) 2022-2024 jyldarǵa músheligimen quttyqtady. Sondaı-aq 2014 jyly bastalǵan #IBelong naýqany sheńberinde QR Úkimetiniń BJKB-men azamattyǵy joq adamdar máselesinisiń aldyn alý jáne sheshý isindegi ózara is-qımylyn joǵary baǵalady.
Dıplomat azamattyǵy joq tulǵa retinde ómir súrý tendentsııasyn qubylys retinde azaıtý baǵytyndaǵy Qazaqstan Respýblıkasy zańnamasyna jasalǵan taldaýǵa toqtaldy. Sondaı-aq, Qazaqstannyń 1961 jylǵy azamattyǵy joq adamdardyń qataryn qysqartý týraly konventsııanyń, 1954 jylǵy apatrıdter mártebesi týraly konventsııany ratıfıkatsııalaý múmkindigi týraly surady.
Igor Rogov Qazaqstan men Ortalyq Azııadaǵy BІJJKB-nyń belsendi yntymaqtastyǵy men jemisti qyzmeti úshin alǵysyn bildirip, atalǵan konventsııalardy ratıfıkatsııalaý máselesin qazirgi ýaqytta quzyretti memlekettik organdar zerttep jatqanyn habarlady.
Qazaqstannyń BUU-ǵa kirýiniń 30 jyldyǵyna jáne Respýblıkanyń Eýropa Keńesiniń Venetsııalyq komıssııasyna músheliginiń 10 jyldyǵyna oraı bıyl birlesken is-sharalar ótkizý múmkindigi de talqylandy.
Sondaı-aq, 2012 jyly komıssııa «Qazaqstan Respýblıkasyndaǵy oralmandardyń, azamattyǵy joq adamdardyń jáne bosqyndardyń quqyqtaryna qatysty jaǵdaı týraly arnaıy baıandamany sátti tanystyrǵanyn atap, osy problema boıynsha jańa qujat daıyndaýǵa nıet bildirdi. Kezdesý sońynda taraptar yntymaqtastyqty odan ári keńeıtý, jumys baılanystaryn ornatý jáne adam quqyqtary salasynda tájirıbe almasý kelisimge keldi.
