HQO-ǵa kezekti Telegram arqyly brondaýǵa bolady
Qazaqstandyqtarǵa qolaıly bolý úshin HQO-ǵa kezekti brondaý ádisi kóbeıtildi. Qyzmet alýshylar HQO-ǵa kezekti egov.kz portalynda nemese 1414 baılanys ortalyǵynda, sondaı-aq eGovKzBot2.0 Telegram botynyń kómegimen brondaıdy.
«Ol úshin qyzmet alýshy mobıldi azamattar bazasynda tirkelýi kerek jáne onyń uıaly telefonyna telegram qosymshasy júktelgen bolsa bolǵany. Mobıldi azamattar bazasyna egov.kz elektrondy úkimet portalyndaǵy vırtýaldy assıstenttiń kómegimen tirkelýge bolady.
Sonymen, HQO-ǵa kezekti brondaý úshin paıdalanýshy mázirden «HQO-ǵa kezekti brondaý» qyzmetin tańdaıdy. Ary qaraı júıe memlekettik qyzmetterdi alýǵa yńǵaıly aımaqty, HQO mekenjaıyn, barý maqsatyn, yńǵaıly kúni men ýaqytty tańdaýdy usynady», delingen habarlamada.
Barlyq qadamdar jasalǵan soń qyzmet alýshynyń uıaly telefonyna onyń JSN, tańdalǵan HQO mekenjaıy, kúni men ýaqyty kórsetilgen sms keledi. HQO-ǵa kelgen kezde osy SMS habarlamany kórsetý arqyly kezekti aldyn ala brondaǵanyńyzdy rastaısyz.
Aıta keteıik, qazirgi tańda eGovKzBot2.0 Telegram boty arqyly 28 memlekettik qyzmet pen servıs qoljetimdi. Olardyń ishinde keń qoldanysqa ıe bolǵandary dárigerdi úıge shaqyrý, aıyppuldy tekserý, medıtsınalyq mekemelersinen anyqtama alý, zeınetaqy aýdarymdary týraly anyqtama jáne t. b.
Esterińizge sala keteıik, koronavırýs pandemııasy jaǵdaıynda jáne azamattardyń bir jerge shoǵyrlanýyn boldyrmaý maqsatynda HQO-lar egov.kz portalynda qaǵaz túrindegi memlekettik qyzmetterdi tek aldyn ala brondaý boıynsha kórsetedi.
Egov.kz portalynda onlaın brondaý qyzmeti HQO-lar qyzmetine qaıta kirise bastaǵan óńirlerde ǵana isteıdi .
