Haver Mıleı Argentına prezıdenti qyzmetine kiristi
Haver Mıleı keshe Argentına prezıdenti qyzmetine kiristi. Lıbertarıandyq ekonomıst Ulttyq kongress ǵımaratynda ant qabyldady, al eks-prezıdent atanǵan Alberto Fernandes oǵan tý tústes lentany taqty. Kazinform bul týraly Euronews-ke silteme jasap habarlaıdy.
Zaldaǵy Mıleı jaqtastary ony «Erkindik» dep daýystap qarsy aldy.
Jańa prezıdent dástúrdi buzyp, ulyqtaý rásimindegi sózin jınalǵan zań shyǵarýshylardyń emes, parlament ǵımaraty aldyndaǵy saılaýshylary aldynda sóıledi.
Argentınalyq kóshbasshy qazynada aqsha joq ekenin jáne eldi eseńgiretetindeı kýrs ózgerisi, naqtyraq aıtqanda shyǵyndardy birden qysqartý kútip turǵanyn eskertti.
Saltanatty rásimge Ýkraına prezıdenti Vladımır Zelenskıı, korol Felıpe VI men álemniń túkpir-túkpirinen jınalǵan ásireońshyl saıasatkerler, onyń ishinde Majarstan premer-mınıstri Vıktor Orban, ıspanııalyq Vox partııasynyń basshysy Santıago Abaskalıa men Brazılııanyń burynǵy prezıdenti Jaır Bolsanarý qatysty.
Býenos-Aıreske Brazılııa basshysy Lýla da Sılva men Meksıka prezıdenti Lopes Obrador syndy solshyl kóshbasshylar barǵan joq.
Buǵan deıin Argentınadaǵy prezıdent saılaýynyń ekinshi týrynda favorıt sanalmaǵan ásireońshyl saıasatker Haver Mıleı kútpegen jerden 56 paıyzdan astam daýys jınap, jeńiske jetkenin habarlaǵan bolatynbyz.
