Hasan Qasymbaev taǵylǵan aıyptardy moıyndamady

QONAEV. KAZINFORM — Búgin, 22 tamyz kúni Talǵar aýdandyq sotynda ótip jatqan sot protsesi barysynda Hasan Qasymbaev ózine taǵylǵan aıyptardy moıyndamaıtynyn málimdedi. 

Sot otyrysynda aıyptaý aktisin memlekettik aıyptaýshy oqyp shyqqannan keıin, sýdıa Aınagúl Tuqybaeva Qasymbaevtan kinásin moıyndaıtynyn ne moıyndamaıtynyn surady.

— Kinámdi tolyǵymen moıyndamaımyn, — dep jaýap berdi Qasymbaev.

Eske salaıyq, Hasan Qasymbaev byltyr qarasha qamaýǵa alyndy. 

Bas prokýratýra Talǵarda adam urlap, uryp-soǵýǵa qatysty isti qaıta qarady.

Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.

Sot bastalǵannan keıin aıyptalýshylardyń advokattary prokýrordy aýystyrýdy ótindi.

Sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty.

Hasan Qasymbaevpen birge kimderge aıyp taǵylǵany belgili boldy.

Búgin, 22 tamyzda prokýror aıyptaý aktisin oqyp berdi.