Hasan Qasymbaev soty: Eki prokýrordyń biri isten shettetildi

QONAEV. KAZINFORM — Talǵar aýdandyq sotynda Hasan Qasymbaev jáne ózge de kúdiktilerge baılanysty sot otyrysy ótip jatyr.

Sot bastalǵannan keıin aıyptalýshylardyń advokattary prokýrordy aýystyrýdy ótindi.

Bir saǵattyq úzilisten keıin sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty. Sot otyrysy ekinshi prokýror — Erlan Qulanbaevtyń qatysýymen jalǵasyp jatyr.

Eske salaıyq, byltyr qarasha aıynda Hasan Qasymbaev qamaýǵa alyndy.

Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.

Keıin Іshki ister mınıstriniń birinshi orynbasary Baýyrjan Álenov kásipker Hasan Qasymbaevqa qatysty túsinik berdi.

Bas prokýratýra Talǵarda adam urlap, uryp-soǵýǵa qatysty isti qaıta qarady.

Almaty oblysy polıtsııa departamentiniń tergeý basqarmasy osy jyldyń 21 shildesinde isti aıyptaý aktisimen oblys prokýratýrasyna joldaǵan. Al oblys prokýratýrasy 29 shildede is boıynsha qurylǵan aıyptaý aktisin bekitip, isti negizinen qaraý úshin Talǵar aýdandyq sotyna joldady.