Harýkı Mýrakamıdiń jańa kitaby shyqty

ASTANA. QazAqparat - Japonııada Harýkı Mýrakamıdiń «Áıelsiz erkekter» atty jańa kitaby satylymǵa shyqty, dep habarlaıdy Reuters.

Jınaqta «Meniń kóligimdi júrgiz», «Keshe», «Shaherezada» «Áıelsiz erkekter» syndy alty týyndy qamtylǵan. Ár bólim óz súıiktilerinen belgili bir sebeptermen aıyrylǵan erlerdiń áńgimesi jaıly syr shertedi. Jasy 65-ti alqymdaǵan Mýrakamı jańa zaman jazýshylarynyń ishindegi ataqtylarynyń biri. Ol birneshe ret Nobel syılyǵyna úmitker bolyp úlgergen. Al onyń eńbekteri álemniń 40-tan astam tilderine aýdarylyp tanyldy.

Jazýshynyń « Tússiz Tsýkýrý Tadzakı jáne onyń jıhankezdik jyldary» atty aldyńǵy kitaby 2013 jylǵy eń satylymdy kitap bolǵan edi.