Halyqaralyq týrnır: «Qaırat» alǵashqy kezdesýinde jeńildi

ASTANA. KAZINFORM - Almatylyq «Qaırat» fýtbol komandasy RPL (Reseı Premer-lıgasy) Qysqy kýbogyndaǵy alǵashqy kezdesýinde jeńilip qaldy.

Halyqaralyq týrnır 2024 jyldyń 2-14 aqpany aralyǵynda Birikken Arab Ámirliginiń Ábý-Dabı qalasynda ótip jatyr.

Almatylyq klýb birinshi kezdesýinde Birikken Arab Ámirliginiń «Shabab Al-Ahlı» komandasymen kezdesti.

Oıyn barysynda qarsylas sapynan Igor Jezýs 13, 53-mınýtta qos goldyń avtory atandy.

Osylaısha «Qaırat» qarsylasyna 0:2 esebimen jol berdi.

«Qaırattyń» týrnırdegi aldaǵy eki oıynynyń kestesi:

11 aqpan. «Qaırat» - «Rostov». Bastalýy - 21:00;

14 aqpan. «Spartak» - «Qaırat». Bastalýy - 22:30.

Tórt komanda toptyq kezeńde bir-birimen kezdesedi.

Topta birinshi oryn alǵan ujym týrnırdiń jeńimpazy ataǵyna ıe bolady.

Eske salsaq, almatylyq «Qaırat» atalǵan týrnırge qatysatyn quramyn jarııalady.