Halyq arasynda Konstıtýtsııany túsindirý jumysyna ústirt qaraýǵa bolmaıdy — Prezıdent
ASTANA. KAZINFORM — Halyq arasynda Konstıtýtsııany túsindirý, dáripteý isi bul — óte jaýapty jumys. Bul týraly Qazaqstan Halyq Keńesiniń birinshi sessııasynda Memleket basshysy Qasym-Jomart Toqaev aıtty.
— Bizdiń bıik maqsattarymyz, naqty josparlarymyz bar. Onyń bárin tabysty júzege asyrý úshin birligimizdi bekemdep, belsendi, tabandy jumys júrgizýimiz kerek. Halyq arasynda Konstıtýtsııany túsindirý, dáripteý isi bul — óte jaýapty jumys, oǵan ústirt qaraýǵa bolmaıdy, — dedi Memleket basshysy.
Prezıdent aıtýynsha, osy saıası jumysqa ilimi tereń, tájirıbesi mol adamdardy shaqyrý kerek, ıaǵnı zańgerler, ǵalymdar, muǵalimder, eriktiler, kásipkerler, ardagerler men memleket qaıratkerlerin tartý kerek bolady.
— Al Prezıdent Ákimshiliginiń mindeti — bul jumystyń keshendi jáne júıeli tuǵyryn qalyptastyrý. Atalǵan mindetti júzege asyrýdy Vıtse-Prezıdent Erlan Tynymbaıuly Qarınge tapsyramyn. Jumystyń barysy týraly eki aptada bir ret Prezıdentke tike baıandaıdy, — dedi Qasym-Jomart Toqaev.
Aıta keteıik, jıyn barysynda Prezıdent Konstıtýtsııa ár adamnyń qolynda júretin, jumys ústelinde turatyn qujat bolýǵa tıis ekenin aıtty.
