Habı Alonso «Real Madrıdtiń» bas bapkeri qyzmetinen ketti

ASTANA. KAZINFORM – «Real Madrıdtiń» bas bapkeri Habı Alonso segiz aı jumys istegennen keıin otstavkaǵa ketti, dep habarlaıdy BBC.

Klýb 44 jastaǵy Alonsonyń ornyn 42 jastaǵy Alvaro Arbeloa basatynyn jarııalady. Ol bir kezderi Alonsomen Ispanııa quramasynda jáne «Lıverpýlde» birge oınaǵan.

Jeksenbide Real óziniń basty qarsylasy «Barselonadan» Ispanııa sýperkýboginiń fınalynda jeńilip qaldy. Al chempıonat kestesinde «Barsadan» tórt upaıǵa artta qalyp, ekinshi orynda tur.

Habı Alonso oıynshy retinde «Real Madrıdte» bes maýsym ótkizdi.

Jattyqtyrýshy retinde ol 2024 jyly Leverkýzennen Germanııa chempıondary «Baıerdi» shyǵardy. Al bir jyldan keıin ótken jazda ataqty Karlo Anchelottıdiń ornyna «Realdyń» bas jattyqtyrýshysy bolyp taǵaıyndaldy.

Alvaro Arbeloa ótken kóktemnen beri «Real Madrıdtiń» qosalqy quramdaryn jattyqtyryp keledi.

Eske sala keteıik, 2025 jyldyń 30 qyrkúıeginde Almatyda UEFA Chempıondar lıgasy negizgi kezeńiniń ekinshi týrynda qazaqstandyq «Qaırat» (Almaty) ıspanııalyq «Real Madrıd» (Ispanııa) komandasyn qabyldady.

Match 5:0 esebimen ıspanııalyq komanda paıdasyna aıaqtalǵanymen, bul este qalarlyq oqıǵa boldy.