ІH qysqy Azııada oıyndary Harbınde resmı aıaqtaldy
HARBIN. KAZINFORM — Qytaıdyń Harbın qalasynda ótken ІH qysqy Azııa oıyndarynyń saltanatty jabylý rásimi ótti.
Qytaı Halyq Respýblıkasy Memlekettik Keńesiniń Premeri Lı Tsıan, Mońǵolııa Premer-mınıstri Lývsannamsraın Oıýýn-Erdene, Brýneı sultany Hassanal Bolkıah jáne Kýk araldary Premer-mınıstri Mark Stıven Braýn jabylý saltanatyna qatysty.
Azııa Olımpıadalyq keńesiniń (AOK) birinshi vıtse-prezıdenti Tımotı Folk ıAng-Tıng Harbın qysqy Azııa oıyndaryn resmı jabyq dep jarııalady.
ІH qysqy Azııa oıyndarynda 9 memleket júlde jeńip aldy. Olardyń qatarynda Taıland quramasy bir qola medal enshilep, óz tarıhynda alǵashqy Azııa oıyndarynyń júldesin qanjyǵalady.
Jarys qojaıyny Qytaı quramasy 32 altyn, 27 kúmis, 26 qola medal enshiledi. Al 16 altyn, 15 kúmis, 14 qola ıelengen Ońtústik Koreıa sportshylary ekinshi orynǵa jaıǵassa, úzdik úshtikti Japonııa sportshylary qorytyndylady. Olardyń enshisinde 10 altyn, 12 kúmis, 15 qola medal bar.
Qazaqstandyq sportshylar 4 altyn, 9 kúmis, 7 qola medalmen jalpy esep boıynsha tórtinshi orynǵa taban tiredi.
Aıta keteıik, Qazaqstan quramasy qysqy Azııadanyń sońǵy kúninde eki júldeni qorjynǵa saldy.
Hokkeıden Qazaqstan erler quramasy altyn alsa, áıelder kúmis enshiledi.