Grýzııa men Qytaıǵa jańa áýe reısteri ashylady
ASTANA. KAZINFORM — Qazaqstandyq áýekompanııalar Grýzııa men Qytaı baǵyttary boıynsha jańa reısterdi iske qosady. Bul týraly Kólik mınıstrligi málimdedi.
Máselen, bıylǵy 27 mamyrdan bastap Atyraýdan Tbılısıge tikeleı reısterdi iske qosý josparlanyp otyr. Reıster aptasyna 3 ret seısenbi, juma jáne jeksenbi kúnderi Airbus tıpti áýe kemelerimen oryndalady.
Búgingi tańda Tbılısıge reıster Almaty jáne Aqtaý qalalarynan oryndalady.
- Sonymen qatar bıylǵy 28 mamyrdan bastap Shymkent qalasynan Sıan qalasyna tikeleı reıster iske qosylady. Reıster sársenbi jáne senbi kúnderi oryndalady. Qazirgi ýaqytta Sıan qalasyna tikeleı reısterdi Qytaı áýekompanııalary Almaty men Astanadan oryndaıdy, - delingen aqparatta.
Jańa baǵyttardyń ashylýy elder arasyndaǵy saýda-ekonomıkalyq, ınvestıtsııalyq, týrıstik jáne mádenı yntymaqtastyqty odan ári damytýǵa yqpal etpek.
Aıta keteıik, elimizde áýe reısteriniń keshigýin azaıtý úshin jańa ushaqtar alynady.