Grekııany taǵy da sý basyp qaldy

Grekııanyń Tesalıa (Fessalııa) aımaǵynda tolassyz jaýǵan jańbyr saldarynan taǵy da sý tasqyny boldy, dep habarlaıdy QazAqparat bul týraly Anadoly agenttigine silteme jasap.

Atap aıtqanda, eldiń Volos, Pelıon, Larısa jáne Farsala sııaqty aýdandarynda qatty sý tasqyny boldy. Turǵyn úıler, keńseler, aýyl sharýashylyǵy jerleri men joldar sý astynda qaldy. Kóshkin saldarynan kóptegen joldar jabyldy.

Tolassyz jaýǵan jańbyr kezinde Volos aımaǵynyń basym bóligi jaryqsyz qalyp, jergilikti aýrýhanany da sý basty.

Azamattyq qorǵanys basqarmasy Volos turǵyndaryna uıaly telefon arqyly shuǵyl habarlama jiberip, kóshege shyqpaýǵa keńes berdi.