Grekııada bes iri orman órtenip jatyr: Bılik EO-dan kómek surady

ASTANA. KAZINFORM – Grekııa bıligi birden bes jerde bolyp jatqan úlken orman órtine baılanysty Eýropalyq Odaqtan kómek surady, - dep habarlaıdy VVS.

El bıligi Afınadan soltústikke qaraı 30 shaqyrym jerde qatty zardap shekken aýdandaǵy turǵyndardy evakýatsııalap jatyr. Aptap ystyq jaǵdaıdy qıyndatyp tur. Jeksenbide temperatýra 44°C-qa jetedi dep boljanǵan jáne bul aldaǵy demalys kúnderi de jalǵasady.

— Jaralanǵan órt sóndirýshiler bar, adamdardyń ómirine qaýip tónip tur, múlik órtenip, orman alqaptary joıyldy, - dedi Klımattyq daǵdarystar jáne Grekııa azamattaryn qorǵaý mınıstri ıAnnıs Kefalogıannıs.

Qatty jel men aptap ystyq órtti órshitip jatqany habarlandy. Grekııa órtti sóndirýge kómektesý úshin EO Azamattyq qorǵanys mehanızminen qosymsha alty ushaqty resmı túrde surady.

Afına ornalasqan Attıkada senbi kúni bastalǵan órt tez arada Drosopıgı, Krıonerı jáne Agıos Stefanosqa taralyp, turǵyndardy qashýǵa májbúr etti.

Aıta keteıik, Grekııada 68 gradýstyq aptap ystyq bolyp, bılik turǵyndardy saq bolýǵa shaqyrdy.