Grek fermerleri traktormen Afınaǵa barmaqshy

AFINA. KAZINFORM - Grekııa fermerleri 20 aqpanda búkil el boıynsha iri narazylyq aktsııasyn ótkizetinderin málimdedi.

Jergilikti BAQ-tyń habarlaýynsha, Grek fermerleri ótken aptada Gretsııa premer-mınıstri Kırıakos Mıtsotakıspen jasaǵan kelissózderge qaramastan, raılarynan qaıtpaı otyr. 

Úkimet basshysy eki apta buryn bastalǵan narazylyqty toqtatýǵa tyrysty. Ol konsýltatsııalarǵa ashyq ekenin aıtyp, úkimettiń qarjylyq múmkindikteri shekteýli ekenin eskertti.

Fermerler óz kezeginde eldegi joldardy jaýyp tastaımyz dep qorqytty. Sonymen qatar, kelesi seısenbide olar traktorlarymen el astanasy Afınaǵa baratyndaryn aıtty.

«Bizde kúresti jalǵastyrýdan basqa amal joq», - dedi Grekııa aýylsharýashylyǵy federatsııasynyń prezıdenti Nıkos Marýdas.

Grekııa úkimeti fermerlerdiń on jyl ishinde energııaǵa tóleıtin tólemderin jáne tyńaıtqyshtar men jem-shópke salynatyn QQS mólsherlemesin azaıtýdy qarastyramyz dep ýáde berdi. Fermerler úshin birneshe myń eýrony quraıtyn qosymsha qarjylyq sýbsıdııalar da bar.

Artynsha fermerler uıymy usynylǵan qosymsha sharalarǵa kóńili tolmaıtynyn jetkizdi.