Google Classroom endi qazaq tilinde qoljetimdi

ASTANA. KAZINFORM – Google kompanııasy Google Classroom platformasyna tildik qoldaý kórsetip, sáýir aıynda tizimge qazaq tilin engizgenin resmı málimdedi. Bul týraly Oqý-aǵartý mınıstrligi málimdedi.

Bul – Oqý-aǵartý mınıstrligi Altynsarın akademııasynyń júıeli jumysynyń nátıjesi.

Google Classroom – 170 mıllıonnan astam adam qoldanatyn álemdegi eń tanymal bilim berý platformalarynyń biri. Endi qazaq tilinde oqytatyn mektepter úshin jańa tsıfrlyq ıgilikterdi paıdalaný múmkindikteri paıda boldy.

Bul – elimizdiń oqýshylary men pedagogteri úshin tsıfrlyq teń qoljetimdilikti qamtamasyz etýdegi mańyzdy qadam.

Qazaq tiline ótý úshin Google akkaýntynda parametrdi ózgertý jetkilikti – platforma ınterfeısi veb-nusqaǵa jáne mobıldi qosymshaǵa avtomatty túrde beıimdeledi.

Esterińizge sala bolsaq, qańtarda Altynsarın akademııasy Google jáne Microsoft-pen yntymaqtastyq týraly memorandýmǵa qol qoıdy. Odan buryn Oqý-aǵartý mınıstri Ǵanı Beısembaev álemdegi eń iri IT-kompanııalardyń ókilderimen kelissózder júrgizgen bolatyn.

Google Classroom qazaqsha nusqasy – bilim berý salasyndaǵy zamanaýı tsıfrlyq ekojúıeni qurý jolyndaǵy alǵashqy qadam.

Aıta keteıik, Qazaqstanda Google for Education ekojúıesin engizý boıynsha pılottyq joba bastaldy.