Google belsendi emes akkaýnttardy óshire bastaıdy
2023 jyldyń 1 jeltoqsanynan bastap Google eki jyldan astam paıdalanylmaǵan akkaýnttardy óshire bastaıdy. Kazinform bul týraly VVS basylymyna silteme jasap habarlaıdy.
Google belsendi emes eseptik jazbalar saıasatyna sáıkes, jumadan bastap belsendi emes akkaýnttardy joıa bastaıdy.
Kompanııa «qurylyp, eshqashan paıdalanylmaǵan» akkaýnttardan bastap kezeń-kezeńimen óshirip otyratynyn atap ótti.
Mamyrda ınternet alyby eski akkaýnttardy buzý jeńil ekenin, sebebi olar eski qupııasózben qorǵalǵanyn jáne kóbinde qos faktorly sáıkestendirý joq ekenin málim etti.
Bireý úshin jumysy nemese oqý orny ashqan eseptik jazbalarǵa tıispeıdi.
Eseptik jazbany óshirmes buryn akkaýnttyń elektrondy poshtasy men qosymsha mekenjaıyna eskertý jiberiledi.
Akkaýntty saqtap qalý úshin oǵan kirip, Google servısteriniń kez kelgeninde belsendi bolý qajet. Máselen, elektrondy hattardy oqý nemese jiberýge, Google Drive, Google Play paıdalanyp, YouTube-taǵy vıdeony kórýge bolady.
Eseptik jazbany turaqty qoldanyp otyrǵan akkaýnttarǵa qaýip tónbeıdi.
