Golovkın álemniń úzdik boksshylarynyń bestigine endi

NUR-SULTAN. QazAqparat - WorldBoxingNews.net saıty salmaq sanattaryna qaramastan (pound-for-pound) álemniń úzdik boksshylarynyń jańartylǵan reıtıngin usyndy. Bul týraly QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap habarlaıdy.

Tizimniń alǵashqy satysynda ýkraınalyq Vasılıı Lomachenko tur, ekinshi orynǵa Meksıka ókili Saýl Alvares ornalastyrylǵan. Úzdik úshtikti AQSh boksshysy Errol Spens túıindep tur.

IBF/IBO nusqalary boıynsha orta salmaqtaǵy álem chempıony Gennadıı Golovkın jetinshiden besinshi orynǵa kóterildi. Eske salaıyq, GGG 6 qazan kúni ótken tıtýldyq jekpe-jekte ýkraınalyq Sergeıa Derevıanchenkony jeńgen bolatyn.

Reıtıngtiń TOP-ondyǵyna engen sportshylar: 1. Vasılıı Lomachenko 2. Saýl Alvares 3. Errol Spens 4. Mennı Pakıao 5. Gennadıı Golovkın 6. Naoıa Inoýe 7. Terens Kroýford 8. Aleksandr Ýsık 9. Hýan Fransısko Estrada 10. Taıson Fıýrı. ⠀