Germanııalyq «ıÝnıon» fýtbol klýbyn alǵash ret áıel adam jattyqtyrady

ASTANA. KAZINFORM – Berlınniń «ıÝnıon» fýtbol klýby Marı-Lýıze Etany bas bapker etip taǵaıyndady. Ol fýtboldan Eýropanyń TOR lıgalarynyń birinde erler komandasyn jattyqtyratyn alǵashqy áıel atanyp otyr, dep habarlaıdy Kazinform agenttigi DW saıtyna silteme jasap.

Jeksenbide Berlındegi «ıÝnıon» fýtbol klýbynyń bas bapkeri Shteffen Baýmgartty qyzmetinen bosatyp, onyń ornyna 34 jastaǵy Marı-Lýızn Etany taǵaıyndady. Osylaısha ol Býndeslıga tarıhyndaǵy tuńǵysh áıel jattyqtyrýshy jáne Eýropanyń úzdik lıgalarynyń birinde erler komandasyn jattyqtyratyn alǵashqy áıel bapker boldy.  

Atalǵan maman maýsymnyń sońyna deıin «ıÝnıon» komandasyn jattyqtyrady. 

– Klýb maǵan senim artyp, bapkerlik tizgindi ustatqanyna qýanyshtymyn, - dedi ol.

Baýmgart maýsymnyń ekinshi jartysynda komandanyń nátıjeleri kúrt tómendegennen keıin 12 sáýir kúni tańerteń qyzmetinen bosatyldy. Oǵan sebep 11 sáýirde onyń komandasy sońǵy oryndaǵy Haıdenhaımnan 3:1 esebimen jeńilip qaldy. «ıÝnıon» fýtbol klýby Rojdestvodan beri eki ret jeńiske jetti jáne pleı-off aımaǵynan 7 upaı joǵary tur. 

Berlınniń «Týrbın Potsdam» komandasynyń oıynshysy retinde Eta 2010 jyly Chempıondar lıgasyn jeńip aldy, sonymen qatar Býndeslıganyń úsh tıtýlyn ıelendi. Osy jazda ol áıelder Býndeslıgasynda «ıÝnıonnyń» áıelder komandasyn jattyqtyrýǵa kelisti.

Buǵan deıin Qazaqstan Premer-lıgasynyń V týrynda «Tobyl» (Qostanaı) men «Qaırat» (Almaty) komandalary kezdesip, teń tarqasqanyn jazǵanbyz.