G7 elderi rezervtegi munaı qoryn birlesip paıdalanýy múmkin

ASTANA. KAZINFORM - «Úlken jetilik» elderiniń qarjy mınıstrleri dúısenbi kúni Halyqaralyq energetıkalyq agenttik úılestiretin rezervtegi munaı qorlaryn birlesip paıdalaný múmkindigin talqylaıdy.

Mundaı sheshim munaı baǵasynyń kúrt ósýi aıasynda qabyldandy. Baǵa 2022 jyldyń ortasynan bergi eń joǵary deńgeıge kóterildi. Buǵan iri óndirýshilerdiń keıbiri jetkizilimdi qysqartýy jáne AQSh pen Izraıldiń Iranmen qaqtyǵysynyń keńeıýi saldarynan teńiz tasymalyna uzaq ýaqyt kedergi kelýi múmkin degen qaýip áser etip otyr.

Reuters agenttiginiń Financial Times basylymyna silteme jasap habarlaýynsha, «Úlken jetilikke» kiretin úsh memleket, onyń ishinde AQSh, rezervtegi munaı qorlaryn birlesip paıdalaný ıdeıasyn qoldaǵan.

Alaıda sarapshylardyń aıtýynsha, mundaı qorlardy paıdalaný belgili bir deńgeıde shıki munaı jetkizilimin arttyrǵanymen, munaı óńdeý qýattarynyń tapshylyǵyn tolyq óteı almaıdy.

Mamandardyń pikirinshe, Úlken jetilik pen Halyqaralyq energetıkalyq agenttik tarapynan jasalýy múmkin bul qadam negizinen naryqqa psıhologııalyq áser etýge baǵyttalǵan. ıAǵnı, iri mámile jasalady degen úmit arqyly naryq qatysýshylary baǵanyń tómendeýine yqpal etedi degen esep bar.

Sonymen birge sarapshylar Taıaý Shyǵystaǵy qaqtyǵys 4–5 aptadan uzaqqa sozylsa, munaı baǵasy qaıtadan kúrt ósip, barreline 120 dollarǵa deıin jetýi múmkin ekenin eskertedi.

Úlken jetilik — quramyna Ulybrıtanııa, Germanııa, Italııa, Kanada, Frantsııa, Japonııa jáne AQSh kiretin halyqaralyq klýb.

Buǵan deıin Saýd Arabııasyndaǵy eń iri munaı óńdeý zaýyty dron shabýylynan keıin jumysyn ýaqytsha toqtatqany habarlanǵan.

Sondaı-aq Kýveıt Taıaý Shyǵystaǵy qaqtyǵysqa baılanysty munaı óndirý kólemin qysqartqany týraly aqparat taraǵan.