Fýtboldan Qazaqstan kýbogy: «Qaısar» kósh basyna shyqty
QYZYLORDA. QazAqparat - Búgin fýtboldan Qazaqstan kýbogy tórtinshi týrynyń ekinshi oıyn kúni ótti, dep habarlaıdy QazAqparat tilshisi.
Qyzylordada jergilikti «Qaısar» óz alańynda «Aqtóbeni» qabyldady. Birinshilik barysynda ázirge kósh sońynda kele jatqan qyzylordalyq klýb kýbok oıyndarynda táp-táýir nátıjege qol jetkizip keledi. Birde-bir kezdesýde jeńilgen joq. Sol sáttilik serııasy búgin de olarǵa serik boldy.
Kezdesý taǵdyryn 46-mınýtta qyzylordalyq klýb shabýylshysy Karolıs Laýkjemıs soqqan jalǵyz gol sheshti. Osylaısha «Qaısar» qarsylasyn 1:0 esebimen basym tústi. Nátıjesinde óz tobynda segiz upaımen kósh basynda shyqty.
Sondaı - aq, búgin Almatynyń «Qaıraty» syrt alańda Túrkistannyń «Turan» klýbynan 3:4 esebimen jeńilse, 30 shildede «Taraz» «Atyraýdy» 1:0 esebimen jeńdi.
Endi 1 tamyzda «Maqtaral» men «Tobyl», «Ordabasy» men «Qyzyljar», SDıÝSShOR № 8 ben «Shahter», «Aqjaıyq» pen «Astana» komandalary kezdesedi.
