Fýtboldan Qazaqstan kýbogy fınaldarynyń jerebesi tartyldy

NUR-SULTAN. QazAqparat - Fýtboldan Qazaqstan kýbogy shırek jáne jartylaı fınal oıyndarynyń jerebesi tartyldy, dep habarlaıdy QazAqparat tilshisi.

Jerebe nátıjesinde shırek fınalda «Taraz» ben «Shahter» (Qaraǵandy), «Qaırat» (Almaty) pen «Aqjaıyq» (Oral), «Astana» (Nur-Sultan) men «Maqtaral» (Túrkistan oblysy), «Qaısar» (Qyzylorda) men «Ordabasy» (Shymkent) komandalary jup qurady.

Al Qazaqstan kýbogynyń jartylaı fınalynda kezdesetin komandalary tómendegishe:

«Qaırat» / «Aqjaıyq» - «Taraz» / «Shahter»

«Astana» / «Maqtaral» – «Qaısar» / «Ordabasy»

Aıta ketsek, Qazaqstan kýbogynyń toptyq kezeńi 8 shildede jalaýyn kóterdi. Ol 15 tamyzda máresine jetti.

Eske salsaq, FIFA Katarda ótetin álem chempıonatynyń ashylýyn 20 qarashaǵa jyljytty.

Aıta keteıik, bıyl fýtboldan 22-shi álem chempıonaty 20 qarasha men 18 jeltoqsan aralyǵynda Katarda ótedi.