Fýtboldan Qazaqstan kýbogy ¼ fınalyna qaı komandalar shyqty
ASTANA. KAZINFORM — Fýtboldan Qazaqstan kýbogynyń ¼ fınalyna shyqqan barlyq komanda anyqtaldy.
Jarystyń bul kezeńin «Ordabasy» (Shymkent) — «Kaspıı» (Aqtaý) komandalary túıindedi.
Kezdesý barysynda shymkenttik klýbtyń belsendiligi baıqaldy. Olar birinshi kezeńde bir gol soqsa, ekinshi kezeńde taǵy eki gol soqty. Bul goldardy Dımıtar Mıtkov 17, 66, 88-mınýtta óziniń enshisine jazdy.
Osylaısha «Ordabasy» qarsylasynan 3:0 esebimen basym túsip, shırek fınalǵa joldama aldy.
Al «Aqtóbe» qarsylasynan 2:1 esebimen basym túsip, shırek fınalǵa joldama aldy.
Oıyndar nátıjesi
29 sáýir (sársenbi)
«Oqjetpes» (Kókshetaý) — «Jeńis» (Astana) 2:3
«Ertis» (Pavlodar) — «Qyzyljar» (Petropavl) 1:2
«Atyraý» — «Jetisý» (Taldyqorǵan) 0:2
«Astana» — «Tobyl» (Qostanaı) 1:2
«Qaısar» (Qyzylorda) — «Kaırat» (Almaty) 2:1
30 sáýir (beısenbi)
«Altaı» (Óskemen) — «Ulytaý» (Jezqazǵan) 4:3
«Aqtóbe» — «Elimaı» (Semeı) 2:1
«Ordabasy» (Shymkent) — «Kaspıı» (Aqtaý) 3:0.
Endi shırek fınalda 13 sáýirde «Ordabasy» — «Jetisý», «Aqtóbe» — «Altaı», «Qaısar» — «Tobyl», «Jeńis» — «Qyzyljar» oınaıdy.
Qazaqstan kýbogy 1992 jyldan beri turaqty túrde ótkizilip keledi.
Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.
