Fýtboldan Birinshi lıgada «Kaspıı» kósh basyna shyqty

ASTANA. KAZINFORM - Fýtboldan Birinshi lıga komandalary arasyndaǵy Qazaqstan chempıonatynyń 10-týry máresine jetti.

Atalǵan týrdyń ekinshi oıyn kúni, aqtaýlyq «Kaspıı» óz alańynda Pavlodar oblysynyń «Ekibastuz» komandasyn qabyldady. Kezdesý barysynda aqtaýlyq klýb qarsylasynan 5:3 esebimen basym túsip, týrnır kestesinde 27 upaımen birinshi orynǵa jaıǵasty. 

Al qaraǵandylyq «Shahter» syrt alańda Túrkistan oblysynyń «Jetisaıyn», almatylyq AKAS Óskemenniń «Altaıyn» 2:1 esebimen jeńse, «Taraz» ben «Aqtóbe-2» 3:3 esebine qanaǵat bildirdi.

Sondaı-aq 19 maýsymda pavlodarlyq «Ertis» syrt alańda «Túrkistan» komandasyn 7:1 esebimen basym tússe, shymkenttik «Akademııa Ońtústik» óz alańynda almatylyq «Qaırat-2» klýbyna 3:5, astanalyq «SD Family» Almatynyń «Han táńirine» 0:3 esebimen jol berdi.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.