Fýtboldan Birinshi lıgada «Kaspıı» «Ertisten» basym tústi

ASTANA. KAZINFORM - Fýtboldan Birinshi lıgada HHІ týry máresine jetti.

12 qyrkúıekte jankúıerler Aqtaýdyń «Kaspıı» jáne Pavlodardyń «Ertis» komandalary kezdesýine kóz tikti. Týrnır kestesinde alǵashqy eki oryndy ózara bólisken klýbtar oıyny tartysty ótti. Nátıjesinde aqtaýlyq klýb qarsylasynan 2:0 esebimen basym túsip, týrnır kestesinde atalǵan qarsylasynan uzap ketti. 

Sondaı-aq bul kúni óskemendik «Altaı» óz alańynda astanalyq «SD Family» klýbyn 4:0, «Taraz» Pavlodar oblysynyń «Ekibastuzyn» 1:0 esebimen jeńdi.

Al 11 qyrkúıekte qaraǵandylyq «Shahter» men almatylyq AKAS klýbymen 1:1 esebimen teń oınasa, «Akademııa Ońtústik» (Shymkent) óz alańynda «Aqtóbe-2» klýbyn 2:1, «Túrkistan» almatylyq «Han táńirini» 1:0 esebimen tize búktirdi.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.