Fýtboldan Birinshi lıgada «Arys» alǵashqy jeńisine qol jetkizdi
ASTANA. KAZINFORM - Búgin fýtboldan Birinshi lıganyń ІV týrynyń alǵashqy oıyn kúni máresine jetti.
Bul týrda Túrkistan oblysynyń «Arysy» elordalyq «Astana-J» komandasymen kezdesýinde birinshiliktegi alǵashqy jeńisine qol jetkizdi. Bıyl jergilikti kásipkerler qoldaýymen qaıta qurylǵan komanda qazirge deıin qatarynan úsh márte jeńilistiń aşy dámin tatyp, qarsylastar qaqpasyna birde-bir márte gol soqqan joq edi.
Al búgin olar nátıjeli oıyn kórsetti. Birinshi kezeńde elordalyq klýb qaqpasyna úsh gol soǵyp úlgerdi. Oǵan «Astana-J» ekinshi kezeńde bir golmen jaýap qaıyrdy.
Osylaısha «Arys» qarsylasynan 3:1 esebimen basym túsip, birinshiliktegi alǵashqy jeńisine qol jetkizdi.
Oıyn nátıjeleri
30 sáýir
«Aqtóbe-J» - «Kaspıı-J» (Aqtaý) 3:3
«Elimaı-2» (Semeı) - «Batyr» (Pavlodar oblysy) 0:2
«Arys» (Túrkistan oblysy) - «Astana-J» 3:1
Endi qalǵan tórt oıyn 1 jáne 2 mamyr kúnderi ótkiziledi. 1 mamyrda 3 oıyn bolsa, bireýi 2 mamyrǵa belgilengen.
Aldaǵy oıyndar kestesi
1 mamyr
15:00. «Shahter» (Qaraǵandy) - «Tobyl-J» (Qostanaı)
16:00. «Akademııa Ońtústik» (Shymkent)- «Taraz»
18:00. «Turan» (Túrkistan) - «Han táńiri» (Almaty)
2 mamyr
18:00. «Jaıyq» (Oral) - «Qaırat-J» (Almaty).
Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.
