Fýtboldan álem chempıonaty tikeleı efırde kórsetiledi

ASTANA. QazAqparat – 20 qarashadan 18 jeltoqsanǵa deıin Qatarda ótetin fýtboldan álem chempıonatyn qazaqstandyq telearnalar tikeleı efırde kórsetedi. Bul týraly QazAqparat olympic.kz saıtyna silteme jasap habarlaıdy.

Álem chempıonatynyń matchtaryn «Qazaqstan» jáne «Qazsport» telearnalary tikeleı efırde kórsetedi.

Sonymen qatar, qazaqstan.tv jáne qazsporttv.kz saıttary da tikeleı kórsetilim taratady, sondaı-aq «Qazaqstan.tv» mobıldi qosymshasy arqyly da kórýge bolady.

Aıta ketsek, XXII álem birinshiligi Qatardyń 5 qalasynyń 8 stadıonynda ótedi.

Buǵan deıin habarlaǵanymyzdaı, FIFA Qatarda ótetin álem chempıonatynyń ashylýyn 20 qarashaǵa jyljytqan bolatyn. Qabyldaýshy el Qatar Ekvadormen jeksenbi, 20 qarasha kúni saǵat 19:00-de (Nur-Sultan ýaqytymen 22:00) kezdesedi.

Qatar Ámiri sheıh Támım ben Hamad Ál Tánı Qazaqstan Prezıdenti Qasym-Jomart Toqaevty fýtboldan álem chempıonatyna shaqyrdy .

Foto: sports.kz