Fýtboldan ÁCh: Brazılııa Serbııanyń osal tusyn taba ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń besinshi oıyn kúninde, 24 qarashada G tobynda eki kezdesý ótedi, dep habarlaıdy QazAqparat tilshisi.
None

Alǵashqysy Shveıtsarııa men Kamerýn quramalary arasynda bolady. Oıyn elorda ýaqytymen 16:00-de bastalyp, «Qazsport» telearnasynan tikeleı efırde kórsetiledi.

Shveıtsarııa bıyl dúbirli dodada 11 márte baq synaıdy. Buǵan deıin 1934, 1938, 1954 jyldarda 1/4 fınalǵa deıin jetti.

Al kamerýndyq fýtbolshylar segizinshi márte bedeldi básekege qadam basyp otyr. 1990 jyly 1/4 fınalǵa jetti. Qalǵanynda toptyq kezeńnen asa alǵan joq.

Kezdesý El-Vakra qalasyndaǵy 44325 myń jankúıerge arnalǵan «El-Djanýb» stadıonynda ótkiziledi. Bas tóreshi - argentınalyq Fakýndo Telo.

Óz tarıhynda eki qurama bir-birimen tuńǵysh márte kezdespek.

Atalǵan toptaǵy taǵy bir kezdesý Brazılııa men Serbııa arasynda bolady. Oıyn elorda ýaqytymen 01:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Brazılııa birde-bir álem chempıonatynan qalyp kórgen emes. Buǵan deıin 1958, 1962, 1970, 1994, 2002 jyldarda jeńimpaz tuǵyryna kóterilse, 1950, 1998 jyldarda kúmis, 1938, 1978 jyldarda qola júldeger boldy.

Óz tarıhynda Serbııa álem chempıonaty fınaldyq satysyna úshinshi márte qadam basty. Barlyǵynda toptyq kezeńnen asa almady.

Oıyn Lýsaıl qalasyndaǵy 88966 jankúıerge arnalǵan «Lýsaıl Aıkonık» stadıonynda bolady. Bas tóreshi- ırandyq Alıreza Faganı.

Eki qurama buǵan deıin eki márte kezdesti. Ekeýinde de Brazılııa fýtbolshylary basym boldy.

Eske salsaq, 23 qarashada E tobynda Germanııa Japonııadan jeńilse, Ispanııa Kosta-Rıkadan basym tústi.

Sondaı-aq, F tobynda Marokko men Horvatııa teń túsip, Belgııa Kanadany tize búktirdi.

FOTO: SRDJAN STEVANOVIC/GETTY IMAGES



 

Сейчас читают