Fýtbol: «Chelsı» sýperkýbok ıegeri atandy
NUR-CULTAN. QazAqparat - Búgin UEFA sýperkýbogynyń jeńimpazy anyqtaldy, dep habarlaıdy QazAqparat tilshisi.
Atalǵan kezdesý Soltústik Irlandııanyń Belfast qalasyndaǵy Ýındzor Park stadıonynda ótti.
Bıyl Anglııanyń «Chelsı» klýby Chempıondar lıgasynda top jarsa, «Vılıarreal» Eýropa lıgasynda kýbokty tóbesine kóterdi.
Búgingi kezdesý barysynda aǵylshyndyq klýb ózderiniń basymdyǵyn baıqatty. Oıyn basynan tizgindi qolǵa alýǵa tyrysty. Nátıjesinde 27-mınýtta Hakım Zıesh mergendik tanytyp, «Chelsıdi» alǵa shyǵardy.
Oıynnyń 73-mınýtynda «Vılıarreal» oıynshysy Jerar Moreno tarazy basyn teńestirdi. Osylaısha kezdesý qosymsha kezeńge ulasyp, onda da jeńimpaz anyqtalǵan joq. Penaltı tebýde «Chelsıdiń» joly bolyp, sýperkýbok ıegeri atandy.
Aıta ketsek, búgingi kúnge deıin atalǵan týrnırde Ispanııanyń «Barselona» jáne Italııanyń «Mılan» komandalary bes-bes márteden jeńimpaz atandy. Sondaı-aq, Ispanııanyń «Real Madrıd», «Atletıko Madrıd», Anglııanyń «Lıverpýl», Gollandııanyń «Aıaks» komandalary úsh-úshten, Belgııanyń «Anderleht», Ispanııanyń «Valensııa» jáne Italııanyń «ıÝventýs» komandalary eki-ekiden jeńimpaz tuǵyrynan kóringen edi. Al 15 komanda bir-bir márteden sýperkýbokty tóbesine kóterdi.
Mundaı mártebege sońǵy ret «Chelsı» 1998 jyly qol jetkizgen bolatyn.
Foto: championat.com
