«Formýla-1» jarysy Ózbekstanda ótýi múmkin

TAShKENT. KAZINFORM – Ózbekstan óz aýmaǵynda «Formýla-1» jarysynyń keıbir kezeńderin ótkizý múmkindigin qarastyryp jatyr, dep habarlaıdy Kazinform agenttiginiń menshikti tilshisi.

Bul týraly belgili brıtanııalyq jýrnalıst Djo Seıvard málim etti.

Onyń aıtýynsha, Ózbekstan ókili Sıngapýrde ótken Gran-prıge qatysyp, jarys barysynda Tashkentte jáne eldiń ózge de iri qalalarynda «Formýla-1» jarysynyń keıbir kezeńderin ótkizý múmkindigin talqylaǵan.

– Saıys Taıland, Ońtústik Koreıa jáne Ózbekstanda ótýi yqtımal. Bul osy elderde kólik sportyna degen qyzyǵýshylyqtyń artyp kele jatqanyn kórsetedi, - dep málim etti Djo Seıvard.

Qosa keteıik, bıyl qyrkúıekte Ázerbaıjanda ótken «Formýla-1» Gran-prıinde Ferstappen jeńiske jetti.