Eıfel munarasynda lıft úzilip ketti
ASTANA. 7 sáýir. QazAqparat - Parıjdegi Eıfel munarasynda 15 metrlik bıiktikten lıft úzilip ketti.
Oqıǵa jóndeý-synaqtan ótkizý jumystary barysynda oryn aldy. Bul týraly Le Parisien-ke silteme jasap Ýtro.rý habarlady.
Abyroı bolǵanda, qulaý barysynda kabına bos boldy, sondyqtan tótenshe jaǵdaıdyń saldarynan eshkim zardap shekken joq. Munaranyń ákimshiligi bolǵan jaǵdaıdy bar jaýapkershiligimen tekserýde.
«Tehnıkalyq problemalar anyqtalyp, joıylatyn bolady. Kabınaǵa keletin bolsaq, ol aıtarlyqtaı búlingen joq. Jóndeý-synaqtan ótkizý jumystary aıasynda lıft kelýshiler úshin naýryz aıynyń ortasynan beri jabylǵan jáne aldaǵy birneshe aptada jabyq bolady», - dep atap ótti Eıfel munarasyn iske qosý boıynsha qoǵamdastyqtyń bas dırektory Nıkolıa Lefebr.
Mamandardy lıfttiń qulaýyn boldyrmaýy tıis bolǵan apattyq tejegishterdiń iske qosylmaı qalǵandyǵy úreılendirdi. Aqaýlardyń sebepterin anyqtaý boıynsha tehnıkalyq komıssııa quryldy.
Eıfel munarasyn qaıta jóndeý 2012 jyldyń basynda bastaldy. Jańartý jumystary jarty jyl boıy júrgizilmek jáne merııa munarany jóndeý úshin 25 mıllıon eýroǵa shyǵyndalatyn bolady. Bul, munara salynǵan 1889 jyldan bergi jasalyp otyrǵan úshinshi jóndeý. Jyl saıyn Eıfel munarasynda 7 mıllıonǵa jýyq týrıst bolady.
