Eýropa lıgasy: búgin shırek fınal oıyndary ótedi
ASTANA. KAZINFORM — Búgin UEFA Eýropa lıgasy shırek fınalynyń qarymta kezdesýleri ótedi.
Jarystyń atalǵan satysyndaǵy matchtar qazaqstandyq ýaqytpen 23:50-de bastalady.
Aldymen «Qazaqstan» telearnasynan «Aıntraht» (Germanııa) pen «Tottenhem Hotspýrs» (Anglııa) kezdesýi kórsetiledi. Birinshi oıynda 1:1 esebi tirkeldi.
Sondaı-aq dál osy ýaqytta jankúıerler «Qazsport» telearnasynan «Manchester ıÝnaıted» (Anglııa) pen «Lıon» (Frantsııa) oıynyn tamashalaı alady. Alǵashqy kezdesýde komandalar 2:2 esebine qanaǵat bildirdi.
Shırek fınaldaǵy taǵy bir kezdesýde ıspanııalyq «Atletık» pen shotlandııalyq «Glazgo Reındjers» sheberlik baıqasady. Alǵashqy oıynda olar 0:0 sebimen teń tústi.
Shırek fınaldaǵy taǵy bir oıyn «Latsıo» (Italııa) men «Bodo-Glımt» (Norvegııa) arasynda ótedi. Alǵashqy kezdesýde norvegııalyq klýb 2:0 esebimen basym tústi.
Eýropa lıgasy oıyndary 2009 jyldan beri turaqty túrde ótkizilip keledi. Byltyr Italııanyń «Atalanta» komandasy atalǵan týrnırdiń jeńimpazy atandy.
Buǵan deıin Chempıondar lıgasynyń jartylaı fınalyna shyqqan eki komanda anyqtalǵanyn jazǵan edik.
