Eýropa lıgasy: Búgin fınalǵa shyǵatyn komandalar anyqtalady

ASTANA. KAZINFORM - Búgin, 8 mamyrda fýtboldan UEFA Eýropa lıgasy jartylaı fınalyndaǵy qarymta oıyndar ótkiziledi.

Jarystyń atalǵan satysyndaǵy kezdesýdiń birinde «Manchester ıÝnaıted» (Anglııa) pen «Atletık Bılbao» (Ispanııa) sheberlik baıqasady.

Oıyn Qazaqstan ýaqytymen saǵat 23:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bes márte kezdesti. Onyń úsheýinde anglııalyq klýb basymdyq tanytsa, bireýinde teń nátıje tirkeldi.

Alǵan jaraqatyna baılanysty jartylaı qorǵaýshylar «Atletık Bılbao» sapynan Oıan Sanset, Ýnaı Gomes búgingi oıynnan tys qalyp otyr.

Al «Manchester ıÝnaıted» qatarynan qorǵaýshy Matteıs de Lıgt, Lısandro Martınes, Dıogý Dalo, Aıden Heven, jartylaı qorǵaýshy Tobı Kollaıer, shabýylshy Djoshýa Zırkzee jasyl alańǵa shyqpaıdy.

«Atletık Bılbao» quramynan jaraqat saldarynan Oıan Sanset, Nıko Ýılıams, Inıakı Ýılıams óz komandasyna kómektese almaıdy.

Sondaı-aq taǵy bir kezdesýde «Bodo-Glımt» (Norvegııa) pen «Tottenhem Hotspýr» (Anglııa) oınaıdy.

Bul kezdesýge «Tottenhem Hotspýr» qatarynan qorǵaýshy Radý Dregýshın, shabýylshy Son Hyn Mın, «Bodo-Glımt» qatarynan jartylaı qorǵaýshy Sıver Skeıde, Djeıms Meddıson, Lýkas Bergvall jaraqatyna baılanysty oıynǵa qatyspaıdy.

Eske salsaq, budan buryn Chempıondar lıgasy fınalyna shyqqan komandalar anyqtaldy.