Etnosaralyq kelisim: Erlan Qarın respýblıkalyq jıynda basym baǵyttardy belgiledi
ASTANA. KAZINFORM — Memlekettik keńesshi Erlan Qarın etnosaralyq kelisimdi nyǵaıtý máselelerine arnalǵan respýblıkalyq jıyn ótkizdi, dep habarlaıdy Aqordanyń baspasóz qyzmeti.
Prezıdent Ákimshiliginiń qurylymdyq bólimderi basshylary men ortalyq memlekettik organdardyń ókilderi qatysqan basqosýda etnosaralyq qatynastar salasyndaǵy ózekti máseleler qaraldy.
— Erlan Qarın jańa Konstıtýtsııanyń qaǵıdattary men normalaryn naqty júzege asyrýǵa jáne qoǵamdyq kelisimdi qamtamasyz etýge qatysty biryńǵaı tásilderdi qalyptastyrýǵa erekshe nazar aýdardy, — delingen habarlamada.
Keńes qorytyndysy boıynsha memlekettik organdarǵa qoǵamdaǵy turaqtylyqty nyǵaıtý baǵytynda naqty tapsyrmalar berildi.
Buǵan deıin memlekettik keńesshi Prezıdenttiń «Taza Qazaqstan» bastamasyn júzege asyrý máseleleri jóninde jıyn ótkizgenin jazdyq.
