Esirtki saýdalaýshylar «OLX» saıtyn belsendi paıdalanýda - ІІM
Bıyl 10 aıda elimizde 2405 esirtki qylmysy jasaldy, dep habarlaıdy Kazinform.
«Internet jelisi arqyly esirtki satý qylmystaryn ashý jumystary turaqty júrýde. Jyl basynan beri Mádenıet jáne aqparat mınıstrligine 3,2 myńnan astam esirtki saıttaryn buǵattaý týraly suraý hattar joldandy. Alaıda búginde esirtki jarnamalaıtyn saıttar jyldam aýysady», - dedi QR ІІM Esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov Ortalyq kommýnıkatsııalar qyzmeti alańynda ótken baspasóz máslıhatynda.
ІІM ókiliniń málimetinshe, bıyl 10 aıda 2405 esirtki qylmysy, onyń ishinde 1287 ótkizý jáne asa iri kólemde 415 esirtki saqtaý faktisi anyqtaldy.
Odan bólek 32 tonna 642 keli ár túrli esirtki, onyń ishinde 62 keli geroın, 5 tonnadan astam keptirilgen marıhýana, 503 keli gashısh jáne 255,5 keli sıntetıkalyq esirtki tárkilengen.
«Esirtki satý boıynsha «OLX» saıtynyń tanymaldyǵy basym. Tek jyl basynan beri kompanııamen bizdiń mınıstrliktiń bastamasy boıynsha polıtseılermen jáne servıs qyzmetkerleri úsh myńnan astam habarlandyrýdy joıdy», - deıdi ol.
