Eskertkishke meıkap jasaǵan astanalyq aıyppul arqalady

ASTANA. KAZINFORM — Elorda prokýratýrasy «Zań jáne tártip» ıdeologııasyn júzege asyrý aıasynda polıtsııa jáne jergilikti atqarýshy organdarmen birge vandalızmge qarsy kúresti jalǵastyryp jatyr.

Qalalyq prokýratýra usynǵan málimetke súıensek, jyl basynan beri bótenniń múlkin qasaqana joıǵany nemese búldirgeni úshin 160 tulǵa ákimshilik jaýaptylyqqa tartylyp, 93 adam qamaýǵa alyndy jáne 67 adamǵa jalpy somasy 10,4 mln teńge aıyppul salyndy.

— Bıyl 12 tamyzda saǵat 19.20-da «Marden» bıznes ortalyǵynyń aıaldamasynda astanalyq turǵyn mas kúıinde avtobýstyń esigin qasaqana teýip áınegin syndyrǵan. Sot sheshimimen aıypty 10 táýlikke qamaýǵa alyndy. Sonymen qatar 37 jastaǵy qala turǵyny mas kúıinde Sh. Ýálıhanov pen J.Tarhan kóshesiniń qıylysynda «Mehkolonna № 56» avtobýs aıaldamasynyń áınegin syndyrǵan. Ol da 10 táýlikke qamaqqa alyndy. Osyǵan uqsas jaǵdaı bıyl 26 tamyzda 10.30-da bolǵan, azamatsha eskertkishti boıandyrǵan (meıkap) bul búldirý faktisi bolyp sanalady. Atalǵan azamatshaǵa 50 AEK mólsherinde aıyppul salyndy, — delingen habarlamada.

Osy oraıda qalalyq prokýratýra qoǵamdyq oryndarda tártipti buzǵandarǵa 30 táýlikke deıin ákimshilik qamaqqa alý jazasyn kózdelgenin eske salady. 

Aıta ketsek, elimizde «Zań jáne tártip» qaǵıdatyn qoldanýdyń arqasynda qylmys sany azaıǵan.