Ertis ózeniniń tómengi arnasy tazartylyp jatyr
PAVLODAR. KAZINFORM - Ertis ózeniniń Pavlodar oblysyndaǵy aýmaǵynyń bir bóligi tazartylyp jatyr. Nátıjesinde sý aıdynynyń ekojúıesi jaqsaryp, bıoónimdiligin arttyrýǵa múmkindik beredi dep kútilip otyr.
Pavlodar oblysy Ertis aýdanynda Ertis ózeniniń arnalaryn tazartý jobasy boıynsha jumystar bastaldy. Óńirlik jer qoınaýyn paıdalaný, qorshaǵan orta jáne sý resýrstary basqarmasynyń qyzmetkerleri jýyqta atalǵan aýmaqqa baryp, jobanyń barysymen tanysty.
«Jobany iske asyrý sý rejıminiń aǵymdylyǵyn arttyrýǵa jáne ózen atyrabyndaǵy ekojúıelerdi jaqsartýǵa, sýarmaly jerlerdi úzdiksiz sýarmaly sýmen qamtamasyz etýge, shalǵyndy shóp massasyn jáne Ertis ózeniniń jaıylmasynyń bıoónimdiligin arttyrýǵa múmkindik beredi. Jumystardy 2025 jyly aıaqtaý josparlanyp otyr», - dep habarlady Óńirlik jer qoınaýyn paıdalaný, qorshaǵan orta jáne sý resýrstary basqarmasynan.
Eske sala keteıik, Ertis gıdrometallýrgııa kombınaty Ertis ózenine 3 myńǵa jýyq sibir bekiresin jiberdi.
