Ertis ózeninde qaıyq aýdarylyp, bir adam sýǵa batyp ketti

PAVLODAR. KAZINFORM — 1972 jylǵy azamattyń múrdesin sý astynan týystary alyp shyqqan. Qazirgi ýaqytta sot-medıtsınalyq saraptama júrgizilip jatyr.

Ertis ózeniniń Pavlodar oblysy Ertis aýdany aýmaǵynda qaıyq aýdarylyp, jazataıym oqıǵadan 1972 jylǵy er azamat kóz jumdy.

«Er adam Ertis aýyly mańynda ózenge qaıyqpen túsken. Abaısyzda qaıyǵy aýdarylyp ketip, ózi sýǵa qulaǵan. Onyń denesin arada bir táýlik ótkende týystary oqıǵa bolǵan aýmaqtan 6 shaqyrym jerden taýyp aldy», dep habarlady óńirlik tótenshe jaǵdaılar departamentinen.

Tilsiz jaýdyń qurbanyna aınalǵan marqumnyń múrdesi polıtsııaǵa tapsyryldy. Sot-medıtsınalyq saraptama taǵaıyndaldy.

Eske sala keteıik, sońǵy on jylda 700 bala sýǵa ketip kóz jumdy.