«Ertis» komandasynyń bas bapkeri qyzmetinen ketti
PAVLODAR. KAZINFORM — «Ertis» fýtbol klýbynyń bas bapkeri Nıkolaı Gavrısh komandasymen qosh aıtysty. Bul týraly klýbtyń baspasóz qyzmetinen habarlady.
«Bas bapker óz erkimen klýbtaǵy qyzmetinen bosady. Nıkolaı Gavrıshke Qazaqstan Premer-lıgasynda oınaıtyn komandadan usynys túsken. Ol óziniń bapkerlik qyzmetin ózge komandada jalǵastyrady», - dep málimdedi klýbtyń baspasóz qyzmetinen.
Nıkolaı Gavrısh bıylǵy maýsym aıynda «Ertis» komandasynyń tizginin qolǵa alǵan bolatyn.
Onyń jetekshiligimen pavlodarlyq klýb Ekinshi lıgada 13 oıyn ótkizip, onyń 12-sinde jeńiske jetti. Al eń bastysy ol «Ertis» komandasyn Ekinshi lıgadan Birinshi lıgaǵa alyp shyqty.
Ol — Qaraǵandy qalasynyń týmasy. 2024 jylǵy maýsymdy «Ekibastuz» fýtbol komandasynda bas bapkerdiń assıstenti bolyp bastaǵan.