Erteń Rejep Taııp Erdoǵan BAÁ men Efıopııaǵa saparlaıdy
ASTANA. KAZINFORM — Túrkııa prezıdenti Rejep Taııp Erdoǵan 16–17 aqpan kúnderi Birikken Arab Ámirlikteri men Efıopııaǵa resmı saparmen baratyny belgili boldy, dep habarlaıdy Anadoly.
Bul týraly Túrkııa prezıdenti ákimshiliginiń baspasóz hatshysy Býrhanettın Dýran NSosyal áleýmettik jelisinde málim etti.
— 16 aqpanda ótetin kezdesýler barysynda prezıdent Erdoǵan men BAÁ prezıdenti ári Ábý-Dabı ámiri Muhammed ben Zaıd Ál Nahaıan eki el arasyndaǵy yntymaqtastyqty tereńdetý sharalaryn, sondaı-aq óńirlik jáne jahandyq máselelerdi talqylaıdy, — dep jazdy ol.
17 aqpanda prezıdent Erdoǵan Addıs-Abeba qalasyna baryp, Abıı Ahmed Alıniń shaqyrýymen kelissózder ótkizedi.
Saparlar aıasynda kelissózderi aıaqtalǵan birqatar kelisim men qujattarǵa qol qoıý josparlanyp otyr.
Osydan buryn AQSh prezıdenti Donald Tramp Túrkııa prezıdenti Rejep Taııp Erdoǵandy Gaza sektorynyń qalpyna keltirilýi men qaýipsizdigin qamtamasyz etýge arnalǵan «Beıbitshilik keńesiniń» quryltaıshy múshesi bolýǵa shaqyrdy.