Erteń kún raıy qandaı bolady
ASTANA. KAZINFORM — Erteń eldiń basym bóliginde qar men jańbyr jaýyp, jel kúsheıedi.
«Qazgıdromet» málimetinshe, 9 aqpan kúni Qazaqstan aýmaǵynyń basym bóliginde atmosferalyq fronttardyń ótýine baılanysty jaýyn-shashyndy bolyp (jańbyr, qar), boran soǵyp, kóktaıǵaq bolady, tuman basyp, jel kúsheıedi.
Tek respýblıkanyń shyǵysynda jaýyn-shashynsyz aýa raıy boljanyp otyr.
Batysta, ońtústikte, Almaty oblysynyń taýly aýdandarynda, Abaı oblysynyń ońtústigi men ortalyǵynda, Shyǵys Qazaqstan oblysynyń soltústiginde, shyǵysynda jáne ortalyǵynda, Jetisý oblysyndaǵy Alakól kólderi mańynda, sondaı-aq Túrkistan oblysynyń taýly asýlarynda kúndiz jeldiń jyldamdyǵy sekýndyna 30 metr jáne odan da joǵary bolýy múmkin.
Aıta ketelik aýa raıyna baılanysty eki oblysta jol jabylǵan edi.