Ermuhamet Ertisbaev: Partııamyzda satqyndar bar

ASTANA. QazAqparat – Qazaqstan halyq partııasynyń tóraǵasy Ermuhamet Ertisbaev partııaǵa únemi shabýyl jasalatynyn jáne satqyndar paıda bolǵanyn aıtty, dep habarlaıdy QazAqparat tilshisi.

«Qazir jeke basymda jáne partııamyzda kóptegen jaýlar bar. Bizdiń partııaǵa únemi shabýyl jasalady, men de basty nazardamyn. Satqyndar bar, opasyz degen de sóz bar. Olar bizdiń partııadan shyǵyp, basqa partııanyń atynan taǵy da Parlamentke engisi keledi. Bul masqara. Bizdiń partııaǵa shabýyl jasalýda. Maǵan eki ret eskertý jasaldy, qazir rıtorıkaǵa tússem, bizdiń partııamyzdy saılaýdan alyp tastaýy múmkin», - dedi E. Ertisbaev Ortalyq saılaý komıssııasynda tilshilerge bergen suhbatynda.

Aıta keteıik, búgin Qazaqstan halyq partııasynyń tóraǵasy Ermuhamet Ertisbaev Májilis saılaýyna kandıdattar qujattaryn tapsyrdy.

30 qańtarda Qazaqstan halyq partııasynyń kezekten tys HHІІІ sezinde kandıdattar tizimi bekitilgen edi. Partııalyq tizimde alty ulttyń ókili bar. Kandıdattardyń ortasha jasy 50 jas. Sonymen qatar tizimdegi áıelder, jastar jáne múgedek jandardvń úlesi 32,6 paıyzdy quraıdy.