Erlan Qarın: Reformalar jańa memlekettik-saıası modeldi qalyptastyrýǵa baǵyttalǵan
ASTANA. KAZINFORM – Memlekettik keńesshi sarapshylar tobymen ishki saıasattyń ózekti máselelerin talqylady. Bul týraly Aqordanyń baspasóz qyzmeti habarlady.
Memlekettik keńesshi Erlan Qarın saıasattanýshylar, áleýmettanýshylar jáne saıası sholýshylardan quralǵan sarapshylar tobymen jumys kezdesýin ótkizdi.
Jıynǵa Marat Shıbutov, Gúlmıra Ileýova, Andreı Chebotarev, Talǵat Qalıev, Mádına Nurǵalıeva, Ǵazız Ábishev, Qazbek Maıgeldınov, Juldyzaı Ysqaqova, Ádil Seıfýllın, Syrym Itqulov, Janar Tólendınova qatysty.
Memlekettik keńesshi Prezıdent Qasym-Jomart Toqaevtyń bastamalary men tapsyrmalarynyń iske asyrylý barysy, sondaı-aq ishki saıası jumysty júıeleý, jańa reglamentter men rásimderdi engizý, tsıfrlyq quraldardy keńinen qoldaný jóninde aıtty.
Erlan Qarın júzege asyrylyp jatqan reformalardyń barlyǵy qoǵamdyq qundylyqtar júıesin keshendi túrde jańǵyrtýǵa jáne jańa memlekettik-saıası modeldi qalyptastyrýǵa baǵyttalǵanyn atap ótti.
Sondaı-aq qatysýshylar ishki saıasattyń ózekti máselelerin, sonyń ishinde jańa konstıtýtsııalyq qaǵıdattardy jáne qundylyqtardy ilgeriletýdiń praktıkalyq tetikteri men quraldaryn talqylady.
Kezdesý sońynda Memlekettik keńesshi Erlan Qarın sarapshylarǵa Prezıdenttiń jeke arnaý sózi jazylǵan jańa Konstıtýtsııanyń arnaıy basylymyn saltanatty túrde tabystady.
