Erlan Qarın jańa laýazymdy qyzmetke taǵaıyndaldy
ASTANA. KAZINFORM — Erlan Tynymbaıuly Qarın Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndaldy. Bul týraly Aqordanyń baspasóz qyzmeti málim etti.
— Memleket basshysynyń Jarlyǵymen Erlan Tynymbaıuly Qarın Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndaldy. Ol burynǵy atqarǵan laýazymynan bosatyldy, — delingen habarlamada.
Erlan Tynymbaıuly 1976 jyly Túrkistan oblysy, Saıram aýdany, Aqsý aýylynda týǵan.
1996 jyly K. Jubanov atyndaǵy Aqtóbe memlekettik ýnıversıtetin «Tarıh jáne geografııa» mamandyǵy boıynsha bitirdi. «Tarıh jáne geografııa pániniń muǵalimi» biliktiligi berildi.
1999 jyly Ál-Farabı atyndaǵy Qazaq memlekettik ýnıversıteti Fılosofııa jáne saıasattaný fakýltetiniń aspırantýrasyn bitirdi.
Saıası ǵylymdarynyń kandıdaty.
1996 jyldan bastap – Aqtóbe qalasynyń №33 mektebinde geografııa jáne tarıh pánderiniń muǵalimi.
1998 jylǵy naýryzdan bastap – Qazaqstan damý ınstıtýtynda saıası zertteýler ortalyǵynyń qyzmetkeri, Qytaı jáne Reseı ınstıtýty dırektorynyń orynbasary.
2000 jylǵy shildeden bastap – Ortalyq Azııa saıası zertteýler agenttiginiń dırektory.
2002 jyldan bastap – Qazaqstan Respýblıkasy Premer-mınıstriniń shtattan tys keńesshisi.
2003 jyldan bastap – Respýblıkalyq «Asar» partııasy tóraǵasynyń birinshi orynbasary, Zamanaýı saıasat halyqaralyq ınstıtýtynyń bas dırektory.
2004 jylǵy maýsymnan bastap – Antıterrorıstik baǵdarlamalar ortalyǵynyń basshysy.
2006 jylǵy mamyrdan bastap – Mańǵystaý oblysy ákiminiń saıası máseleler jónindegi keńesshisi.
2008 jylǵy aqpannan bastap – Qazaqstan Respýblıkasy Prezıdentiniń Ákimshiligi Іshki saıasat bóliminiń meńgerýshisi.
2008 jylǵy qarashadan bastap – «Nur Otan» partııasynyń strategııalyq damý boıynsha hatshysy.
2013 jylǵy jeltoqsannan bastap – Vashıngtondaǵy (AQSh) Amerıka ýnıversıtetiniń arnaıy shaqyrylǵan professory.
2014 jylǵy qazannan bastap – Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynyń dırektory.
2017 jylǵy aqpannan bastap – «Qazaqstan» RTRK» aktsıonerlik qoǵamynyń basqarma tóraǵasy.
2019 jylǵy sáýirden – 2020 jylǵy shildege deıin Qazaqstan Respýblıkasy Prezıdentiniń keńesshisi.
2020 jylǵy shildeden bastap – Qazaqstan Respýblıkasy Prezıdentiniń kómekshisi.
2022 jylǵy 5 qańtarda Prezıdenttiń Jarlyǵymen Qazaqstan Respýblıkasynyń Memlekettik hatshysy bolyp taǵaıyndaldy.
2022 jylǵy 14 maýsymdaǵy Prezıdenttiń Jarlyǵymen Qazaqstan Respýblıkasynyń Memlekettik keńesshisi bolyp taǵaıyndaldy.
«Qurmet» ordenimen (2010 jyly), ІІ dárejeli «Dostyq» ordenimen (2019 jyly), ІІ dárejeli «Barys» ordenimen (2022 jyly), Qazaqstan Respýblıkasynyń Ulttyq qaýipsizdik komıtetiniń «Ulttyq qaýipsizdikti qamtamasyz etýge qosqan úlesi úshin» (2019 jyly) medalymen marapattalǵan.
«Balbaltas. Orhonnan Kaspııge deıin» (2013 jyly), «Soldaty Halıfata: mıfy ı realnost» (2014 jyly), Djeıkob Zennmen birge jazǵan «Mejdý IGIL ı Al-Kaıdoı: Tsentralnoazıatskıe boevıkı v sırııskoı voıne» (2017 jyly), Galına Ksenjıkpen birge jazǵan «Svodnyı katalog kartografıcheskıh materıalov po ıstorıı Kazahstana XVII - nachalo XX vv.» (2023 jyly) kitaptarynyń avtory.
