Erlan Qarın: alǵashqy Quryltaı saılaýy – Qazaqstan úshin tarıhı oqıǵa
ASTANA. KAZINFORM – QR Prezıdenti Ákimshiligi basshysynyń birinshi orynbasary Erlan Qarın Astanadaǵy Ulttyq akademııalyq kitaphanada ornalasqan №129 saılaý ýchaskesinde daýys berdi.
Daýys berý rásiminen keıin Erlan Qarın bul saılaýdyń el tarıhyndaǵy mańyzdy saıası oqıǵa ekenin atap ótti.
- Búgin biz máni jaǵynan tarıhı oqıǵanyń kýási ári qatysýshysy bolyp otyrmyz. Bul – Qazaqstan tarıhyndaǵy múldem jańa zań shyǵarýshy ınstıtýt – Quryltaıǵa ótkizilip jatqan alǵashqy saılaý. Quryltaıǵa saılaýdyń mańyzdylyǵy ınstıtýtsıonaldyq jańǵyrý men túbegeıli jańa saıası modelge kóshýde jatyr, – dedi.
Sondaı-aq prezıdenttik reformalardyń mańyzdylyǵyna toqtaldy. Eń úlken ári mańyzdy ózgeris memlekettik saıasattyń mazmunyna qatysty ekenin aıtty.
- Prezıdenttiń reformalary qoǵamdyq protsesterge jańa serpin berdi. Jańa tulǵalar men jańa kúshter boı kórsetip, qoǵamdyq kún tártibi ózgere bastady. Aýqymy men qarqyny jaǵynan alǵanda, bul reformalar elimiz úshin ǵana emes, búkil aımaq úshin de keıingi onjyldyqtardaǵy eń aýqymdy jańǵyrý úderisi bolyp otyr, – dedi Erlan Qarın.
Aıta keteıik, Tokıoda otandasymyz bı beınesinde daýys berdi.
