Erlan Qarın kóptomdyq tarıh jobasynyń oryndalý barysyn tyńdady
ASTANA. KAZINFORM — Memlekettik keńesshi Erlan Qarın Qazaqstan tarıhyna arnalǵan kóptomdyq akademııalyq basylymdy ázirleý jóninde keńes ótkizdi, dep habarlaıdy Aqordanyń baspasóz qyzmeti.
Jıynǵa redaktsııa alqasy tóraǵasynyń orynbasary, Ulttyq mýzeı dırektory Berik Ábdiǵalıuly, redaktsııalyq alqa músheleri – Sh.Sh. Ýálıhanov atyndaǵy Tarıh jáne etnologııa ınstıtýtynyń bas dırektory Zııabek Qabyldınov, «Ulttyq aýdarma bıýrosy» qorynyń atqarýshy dırektory Raýan Kenjehanuly, Ǵylym jáne joǵary bilim mınıstrligi Ǵylym komıteti tóraǵasynyń orynbasary Jaıyq Toqtarov qatysty.
Memlekettik keńesshige «Qazaqstan tarıhy: ejelgi dáýirden búginge deıin» atty akademııalyq basylymnyń alty tomyn baspaǵa ázirleý barysy týraly esep berildi. Atalǵan jınaq redaktsııa alqasynyń buǵan deıingi toǵyz otyrysynda qarastyrylyp, bekitilgen.
Sondaı-aq keńeste aldaǵy maýsym aıynyń basyna josparlanǵan redaktsııalyq alqanyń kezekti jıynyn uıymdastyrýǵa qatysty máseleler talqylandy. Basqosýda akademııalyq basylymnyń Táýelsiz Qazaqstan kezeńine arnalǵan qorytyndy jetinshi tomy qaralady.
Budan buryn Erlan Qarın Prezıdent nege Táýelsizdik pen Egemendik sózderin bas árippen jazatynyn túsindirgenin jazǵan edik.
