Erlan Qarın: Býrabaıdaǵy quryltaıdyń nátıjesinde 6 zań qabyldanyp, 10 zań jumysqa alyndy
QYZYLORDA. KAZINFORM – Qyzylordada ótip jatqan V Ulttyq quryltaıda Memlekettik keńesshi Erlan Qarın Býrabaıdaǵy quryltaıdyń negizgi nátıjelerine toqtaldy.
- Quryltaıdyń Býrabaıdaǵy tórtinshi otyrysynan keıin Memleket basshysynyń tapsyrmasyn oryndaý maqsatynda 53 tarmaqtan turatyn arnaıy jospar bekitildi. Osy josparǵa sáıkes, birneshe baǵytta jumystar júrgizildi. Birinshiden, quryltaı bastaýlaryn júzege asyrý barysynda Parlament depýtattarynyń qoldaýymen byltyr 6 zań qabyldandy, - dedi ol.
Memlekettik keńesshi bul zańdar balalardyń qaýipsizdigin qamtamasyz etý, quqyqqa qaıshy keletin kontenttiń taralýyn shekteý, jekemenshik obektilerge ataý berýdi júıeleý, qoǵamdyq oryndarda bet-júzdi búrkeıtin kıimge tyıym salý, arheologııa salasyn retteý baǵyttaryn qamtyǵanyn eske saldy.
- Buǵan qosa osy ýaqyt ishinde taǵy 10 zań jobasy jumysqa alyndy, - dedi Erlan Qarın.
Buǵan deıin Qyzylordada Memleket basshysy Qasym-Jomart Toqaevtyń qatysýymen Ulttyq quryltaıdyń besinshi otyrysy bastalǵanyn jazǵan edik.
