Erevanda qarýly top polıtsııa avtobýsyn órtedi

ASTANA. QazAqparat - Dúısenbi kúni Erevanda polıtsııa bólimshesin jaýlap alǵan qarýly top «Chevrolet» qyzmettik avtobýsyn órtep jiberdi, dep habarlady Armenııa ІІM baspasóz qyzmetinen.

«Qarýly top polıtsııanyń qyzmettik kóligin órtedi. Oǵan deıin top músheleri «Gazel» kóligin órtep, dóńgelekterin kóshege alyp shyqan. Onyń ishine oq-dári salyp jandyrǵan. Bul sol mańdaǵy jergilikti halyqtyń ómirine qaýip týdyrdy», - delingen habarlamada.

Quqyq qorǵaý organdarynyń qyzmetkerleri top múshelerine adam ómirine qaýip tóndiretin áreketterge barmaýdy surady.
Eske sala keteıik, 17 shilde kúni qarýly top Armenııa polıtsııasynyń patrýldi-post ǵımaratyna basyp kirip, ondaǵy qyzmetkerlerdi kepilge alǵan. Olar Armenııa prezıdenti Serj Sargsıan rejımin kúshtep taıdyrýǵa úndeıtin «Jańa Armenııa» radıkaldy qozǵalysynyń lıderi Jıraır Sefılıandy túrmeden bosatýdy talap etti.
Ǵımaratty basyp alý kezinde 1 polıtsııa qyzmetkeri mert bolyp, alty adam jaralandy. Bılik ókilderimen júrgizilgen kelissózden keıin 23 shilde kúni olar kepildegi barlyq adamdardy bosatty.