Erdoǵan álemdi Palestınany moıyndaýǵa shaqyrdy

NЬıÝ-IORK. KAZINFORM — Túrkııa Prezıdenti Rejep Taıyp Erdoǵan BUU Bas Assambleıasynyń 80-sessııasynda palestına-ızraıl qaqtyǵysy máselesin kóterdi, dep habarlaıdy Kazinform tilshisi. 

BUU minberinde sóılegen sózinde túrik lıderi Izraıldiń Gaza sektoryndaǵy áreketin qatań aıyptap, bolyp jatqan jaǵdaıdy genotsıd dep atady.

Sondaı-aq ol Mahmýd Abbastyń zalda bolmaǵanyna ókinish bildirip, halyqaralyq qaýymdastyqty Palestınany moıyndaýǵa shaqyrdy.

Erdoǵannyń aıtýynsha, Gaza sektorynda bolyp jatqan oqıǵalar soǵys emes, «qarýlanǵan armııa» tarapynan jasalyp jatqan genotsıd.

— Izraıldiń áreketteri 250-den astam jýrnalıstiń qaza bolýyna ákeldi, bul halyqaralyq normalardy óreskel buzý bolyp tabylady, — dep atap ótti Túrkııa basshysy.

Budan bólek, Erdoǵan Ankaranyń Reseı men Ýkraına arasyndaǵy kelissózderdegi rólin eske salyp, qaqtyǵysty retteýge járdemdesýge daıyn ekenin rastady.

Osy taqyrypty qozǵaı otyryp, ol Ystanbuldaǵy kelissózder taraptar arasyndaǵy tutqyndar almasýǵa yqpal etkenin eske saldy.

— Ankara soǵys qımyldaryn toqtatýǵa baǵyttalǵan dıplomatııalyq kúsh-jigerge aldaǵy ýaqytta da qatysýǵa ázir, — dedi Erdoǵan.

Aıta ketelik AQSh Prezıdenti Donald Tramp Birikken Ulttar Uıymynyń óz áleýetin júzege asyra almaı otyrǵanyn synǵa alǵan edi.